«Контактри» сӑн

Элӗк округӗнчи ҫамрӑк фермер тата блогер Кирилл Степанов ял пурнӑҫӗ пирки документлӑ сериалта ӳкерӗннӗ. Ӳкерӳ ушкӑнӗ ун патне киле, Элӗк округӗнчи Кӗҫӗн Тӑван ялне, килнӗ. Юлашки кадрсене Шупашкарта вӗҫленӗ.

Хальлӗхе Кирилл Степанов мӗнле проекта тата платформӑна хутшӑнни пирки пӗлтермен – вӑрттӑнлӑхра ку. «Ӳкерӳ кунне тулли кӑмӑлпа аса илетӗп, ҫурӑм тӑрӑх ӑшӑ хум чупса иртет. Командӑна профессионаллӑхшӑн тавах!» - тесе ҫырнӑ ҫамрӑк фермер халӑх тетелӗнче.

cap.ru сӑнӳкерчӗкӗ

Чӑваш Енри сухана чикӗ леш енне те ӑсатаҫҫӗ. Элита сорта Патӑрьел, Комсомольски, Елчӗк районӗсенчи ял хуҫалӑх предприятийӗсем ӑсатаҫҫӗ.

Ҫурла уйӑхӗн 25-29-мӗшӗсенче Беларуҫе 80 тонна севок ӑсатнӑ.

Ҫулталӑк пуҫланнӑранпа вара Беларуҫе, Молдовӑна, Казахстана, Монголие, Болгарие тата Румыние 1,5 пин тонна ӑсатнӑ.

cap.ru сӑнӳкерчӗкӗ

Шупашкар районӗнчи «Чурачикское» акционерсен обществи асӑннӑ муниципалитетри пысӑк ял хуҫалӑх предприятийӗсенчен пӗри. Халӗ унта 510 пуҫ пӑру вырнаҫмалӑх тепӗр корпус уҫнӑ. Ҫӗнӗ инвестици проектне хуҫалӑх 80 миллион тенкӗ укҫа хывнӑ.

Ӳлӗмрен выльӑх-чӗрлӗх комплексне тата анлӑлатасшӑн-пысӑклатасшӑн. Тепӗр 750 пуҫлӑх вите тума пуҫланӑ, пуррисене вара юсаса ҫӗнетеҫҫӗ. Унсӑр пуҫне 1000-шер ӗне вырнаҫмалӑх тепӗр икӗ корпус хута яма ӗмӗтленеҫҫӗ.

Хуҫалӑхра республика Элтеперӗ Олег Николаев пулса курнӑ.

НТРК сӑнӳкерчӗкӗ

Муркаш тӑрӑхӗнче ҫырла та туса илеҫҫӗ. Республикӑри ҫырла плантацийӗн ҫурри ҫав тӑрӑхра.

Хӑш-пӗр ҫӗрте (сӑмахран, Шупашкар районӗнчи «Прогресс» хуҫалӑхра) ҫак ӗҫе пӑрахӑҫланӑ пулсан Муркаш районӗнчи Мичурин ячӗллӗ агрофирмӑра ку енӗпе паян та ҫине тӑраҫҫӗ.

Темиҫе кун каялла унта хура хурлӑхан татассипе ҫине тӑраҫҫӗ. Предприяти ертӳҫи Борис Михайлов Чӑваш Енӗн Наци телекуравне пӗлтернӗ тӑрӑх, ҫав ҫырлана 100 ытла гектар ҫинче татмалла.

Хуҫалӑхра йӗплӗ хурлӑхан та пур.

cap.ru сӑнӳкерчӗкӗ

Чӑваш Енре чи лайӑх пахчаҫӑна суйланӑ. Ку ята Екатерина Аввакумова тивӗҫнӗ. Вӑл — агроном, пахчаҫӑ, Ҫӗнӗ Шупашкарти теплица комплексӗнче ӗҫлет.

Вӑл «Профессире чи лайӑххи» Пӗтӗм Раҫҫейри конкурсӑн регионти тапхӑрӗнче ҫӗнтернӗ. Иккӗмӗшпе виҫҫӗмӗш вырӑнсене Дмитрий Кабаковпа Валерий Григорьев йышӑннӑ. Вӗсем конкурсра тӗрлӗ культурӑн вӑррисене уйӑрнӑ, вӗсене мӗнле акмалли пирки каласа кӑтартнӑ. Кунсӑр пуҫне салат калчисене хак панӑ.

Екатерина республика чысне Раҫҫей шайӗнчи конкурсра хӳтӗлеме кайӗ. Конкурс Вологда облаҫӗнче иртӗ.

Чӑваш Енри студентсем Кубӑри фермерсене пулӑшма кайнӑ. Ҫак йышра – И.Н. Ульянов ячӗллӗ ЧПУра вӗренекен Арина Ивановӑпа Дмитрий Павлов. Вӗсем Европӑри ыр кӑмӑллӑх ӗҫӗн бригадин йышне кӗнӗ.

Палӑртмалла: Кубӑна Раҫҫейри, Францири, Испанири, Бельгири, Австрири, Италири, Швейцарири тата Португалири 48 ҫамрӑк кайнӑ. Вӗсем унта истори тата культура палӑкӗсемпе, илемлӗ вырӑнсемпе паллашаҫҫӗ. Ҫав, вӑхӑтрах вырӑнти фермерсене пахча ҫимӗҫ пуҫтарма пулӑшаҫҫӗ.

Кирил Степанов архивӗнчи сӑн

Элӗк округӗнче пурӑнакан Кирилл Степанов фермер тата блогер утӑ уйӑхӗн 24-мӗшӗнче Мускавра иртнӗ «Агро-2025» бала хутшӑннӑ. Унта вӑл РФ ял хуҫалӑх министрӗпе Оксана Лутпа сӑн ӳкерӗннӗ.

Ҫак мероприятие РФ Ял хуҫалӑх министерстви йӗркеленӗ. Унта Раҫҫейри аграри университечӗсенче лайӑх вӗренекен студентсем хутшӑннӑ. Чӑваш Енрен 7 ҫамрӑк кайнӑ. Вӗсен йышне Кирилл Степанов та лекнӗ.

t.me/nikamran каналтан илнӗ сӑнӳкерчӗк

Чӑваш Енре чи маттур такисита палӑртнӑ. Ку ята Григорий Никоноров тивӗҫнӗ.

Такисистсен ӑмӑртӑвне 16 водитель хутшӑннӑ. Тӗрлӗ ӗҫе пурнӑҫласа чи нумай балл пухаканни Григорий Никоноров пулнӑ.

ҫӗнтерӳшӗн ӑна 15 пин тенке парса хавхалантарнӑ.

Килес ҫул вӑл Чӑваш Ен чысне Раҫҫей шайӗнче хӳтӗлӗ.

chgtrk.ru сайтри сӑн

Чӑваш Енре ӗнер Ҫӗрпӳ округӗнче «Уй кунӗ» курав уҫӑлнӑ. Ӑслӑлӑхпа тӗпчев институчӗн аграри секторӗн территорине Раҫҫейри 15 регионти 69 предприяти пухӑннӑ. Вӗсен йышӗнчен 28-шӗ – техникӑпа тата ӳсен-тӑрана хӳтӗлемелли хатӗрсемпе тивӗҫтерекеннисем.

Ҫӗнӗлӗхсенчен пӗри – урапаллӑ «Агромаш-Lovol 904» трактор. Ӑна Шупашкарти «Агромаш» предприяти туса кӑларнӑ. Унпа ял хуҫалӑхӗнчи йывӑр ӗҫсене пурнӑҫлама пулать.

Паян курав малалла пырать.

www.ntrk21.ru сӑнӳкерчӗкӗ

Чӑваш Енри аграрисене ҫӗнӗ пулӑшу кӳме йышӑннӑ. «Контактра» халӑх тетелӗнчи «Чувашская Республика» (чӑв. Чӑваш Республики) пабликра пӗлтернӗ тӑрӑх, республикӑра «Чувашский хмель» (чӑв. Чӑваш хӑмли) ҫӗнӗ грант пурнӑҫа кӗме тытӑнӗ.

Укҫана хӑмла шалчине вырнаҫтарма тата юсаса ҫӗнетме кирлӗ материалсене туянма усӑ курма юрӗ. Анчах проекта грантпа уса кураканӑн хӑйӗн укҫине 20 процентран кая мар хывмалла.

Заявкӑсене Патшалӑхӑн финанс пулӑшӑвне паракан порталта ҫурла уйӑхӗн 2-мӗшӗччен йышӑнаҫҫӗ.